ՀՀ սփյուռքի գործերի գլխավոր հանձնակատար Զարեհ Սինանյանի աշխատանքային այցը Գերմանիա

18 մայիսի, 2025

Գերմանիա կատարած աշխատանքային այցի շրջանակներում ՀՀ սփյուռքի գործերի գլխավոր հանձնակատար Զարեհ Սինանյանը մայիսի 18-ին Բեռլինում՝ ՀՀ դեսպանությունում հանդիպել է հայ երիտասարդների հետ։ Հանդիպմանը մասնակցել է նաև ՀՀ Վիկտոր Ենգիբարյանը։

Նույն օրը Գլխավոր հանձնակատարը ՀՀ դեսպան Վիկտոր Ենգիբարյանի հետ այցելել է Գերմանիայի Պոտսդամ քաղաքում գտնվող գերմանացի հրապարակախոս Յոհաննես Լեփսիուսի տուն-թանգարան, որի գործունեությունը նվիրված է Օսմանյան կայսրությունում իրականացված Հայոց ցեղասպանությանը և 1900-ական թվականներին Գերմանիայում ձևավորված հայանպաստ մարդասիրական շարժման պատմությանը։ Զարեհ Սինանյանը և ՀՀ դեսպանը՝ գիտաշխատող դոկտոր Հայկ Մարտիրոսյանի ուղեկցությամբ, շրջայց են կատարել տուն-թանգարանում և ծանոթացել իրականացվող գործունեությանը։

Մայիսի 17-ին Զարեհ Սինանյանը նաև մասնակցել է Բեռլինի Գերմանահայկական մշակութային օրերի շրջանակում կազմակերպված գեղարվեստի ցուցահանդեսին և «Նաիրյան» վոկալ անսամբլի համերգին, որտեղ հանդես է եկել շնորհավորական ուղերձով։ Բեռլինի Գերմանահայկական մշակութային օրերի հանդիսավոր երեկոյին ուղերձներով հանդես են եկել նաև Բեռլինի պատգամավորական տան անդամ, պրոֆեսոր, դոկտոր Մարտին Պետցոլդը, ինչպես նաև Բեռլինի Եվրոպացի և հայ մասնագետների ասոցիացիայի վարչության առաջին նախագահ Միքայել Մինասյանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր