Մասնակցություն պրոֆեսոր Գոլցի հոգեհամգստին

14 հունվարի, 2011

Այս տխուր օրը մենք հավաքվել ենք մեր հարգանքի տուրքը մատուցելու հայտնի հայագետ, աստվածաբան և հայագետ, նվիրյալ հումանիստ պրոֆեսոր Հերման Գոլցի հիշատակին: Հայաստանի կառավարությունը մեծապես գնահատում է այն ամենը, ինչ իր կյանքի ընթացքում կարողացել է կատարել, մենք սգում ենք նրա անժամանակ մահը և նրան միշտ կհիշենք նրան: հայերը և Հայաստանը կորցրեցին իրենց ամենասիրելի բարեկամին և ընկերոջը՝ պրոֆեսոր Գոլցին, Յոհաննես Լեփսիուսի առաքելության ժամանակակից հետնորդին: Նրա մահը անդառնալի կորուստ է նաև գերմանախոս հայագիտության համար: Հայաստանի դեսպանությունը իր վիշտն ու սրտագին ցավակցությունն է հայտնում պրոֆեսոր Գոլցի ընտանիքին:
35 տարի շարունակ պրոֆեսոր Գոլցը իր գիտական և հասարակական գործունեությամբ մեծապես նպաստել է Հայ առաքելական եկեղեցու ներկայացմանը և հայկական հին մշակույթի ու արվեստի տարածմանը միջազգային հանրության մեջ:
Անգնահատելի է հանգուցյալ գիտնականի ավանդը Հայական ցեղասպանության ճանաչման և դատապարտման գործում: Նա հավաքեց Յոհաննես Լեփսիուսի գիտական ժառանգությունը, հիմնեց և ղեկավարեց հայ ժողովրդի մեծ բարեկամի արխիվը: Պրոֆեսոր Գոլցի ժառանգությունը և հիշատակը կենդանի պահելու համար մենք չպետք է ջանք խնայենք Լեփսիուսի տան ուժեղացման և օժանդակման համար: Դա կլինի նրա հոգևոր կամքի կատարման ամենաճշմարիտ ճանապարհը:
Պրոֆեսոր Գոլցը նաև Մարտին Լութերի անվան համալսարանի հայկական ուսումնասիրությունների Մեսրոպ կենտրոնի հիմնադիրն է, գիտական հաստատություն, որը հայագիտության վերաբերյալ աշխարհով մեկ հայտնի ծավալուն գիտահետազոտական աշխատանք է կատարել:   Պրոֆեսոր Գոլցի գործունեությունը չէր սահմանափակվում միայն համալսարանի պատերի ներքո: Նա 2005թ.-ին ակտիվ մասնակցություն ունեցավ Բունդեսթագում Հայկական ցեղասպանությանը նվիրված բանաձևի ընդունմանը, որից հետո այս թեման սկսեց լայնորեն քննարկվել Գերմանիայում:
Հերման Գոլցի ավանդը և աշխատանքը գնահատվեցին կառավարության և Հայ առաքելական եկեղեցու կողմից: Ի թիվս այլ պարգևների՝ նա Ամենայն հայոց կաթողիկոսի կողմից ստացավ Սահակ Մեսրոպի մեդալը և Երևանի պետական համալսարանի պատվավոր դոկտորի կոչումը:
Պրոֆեսոր Գոլցի նպատակը և ջանասեր աշխատանքը մեը համար հաստատապես կլինի ներշնչման և խիզախման աղբյուր՝ պահելու համար նրա հիշատակը ոչ միայն մեր մտքում այլ սրտերում:
Թող որ Աստված խաղաղություն պարգևի նրա հոգուն և նրա ընտանիքին ուժ տա հաղթահարելու այս ծանր ժամանակները:
Շնորհակալություն

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր