Բեռլինում բացվեց ժամանակակից հայ արվեստի ցուցահանդեսը

27 հունվարի, 2012

Ս.թ. հունվարի 27-ին Բեռլինի Վեդդինգ թաղամասի «InteriorDasein» ցուցասրահում տեղի ունեցավ «Հանդիպումների վայրը` որպես փոփոխություն» խորագիրը կրող ժամանակակից հայ արվեստի ցուցահանդեսի բացումը: Միջոցառումը կազմակերպվել էր Հայաստանի նորարար փորձարարական արվեստի կենտրոնի, Հալլեի «Թալշտրասե» մշակութային միության հետ համագործակցությամբ և Բեռլինում ՀՀ դեսպանության ու ՀՀ մշակույթի նախարարության աջակցությամբ:

Աշխատանքների անդրանիկ ցուցադրումը, որի իրագործմանն օժանդակել էին ԳԴՀ Արտաքին գործերի նախարարությունը և Սաքսոնիա- Անհալտ երկրամասի կառավարությունը, կայացել էր 2011թ. հոկտեմբերին Հալլեի ժամանակակից արվեստի պատկերասրահում: Պայմանավորվածության համաձայն, փոխադարձաբար, Երևանում ս.թ. ապրիլին կբացվի գերմանական ժամանակակից արվեստի ցուցահանդես:

Բեռլինի ցուցահանդեսին ներկայացված էին 12 հայ արվեստագետների աշխատանքները: Ողջույնի խոսքով հանդես եկան դեսպան Ա. Մարտիրոսյանը, գերմանահայ արվեստագետ, ցուցասրահի ղեկավար Արչի Գալենցը և ցուցահանդեսի համակարգող Սեդա Շեկոյանը: Հրավիրված էին հայ համայնքի ներկայացուցիչներ, Բեռլինի ճանաչված արվեստագետներ, ներկա էին նաև բեռլինաբնակ բազմաթիվ արվեստասերներ: Ցուցահանդեսը կգործի մինչև ս.թ փետրվարի 16-ը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր