Բեռլինում հարգվեց Սումգայիթի զոհերի հիշատակը

03 մարտի, 2012

Ս.թ. մարտի 3-ին «Արցախի Եվրոպական Կենտրոն» և «Ցեղասպանության ճանաչման հանձնախումբ» գերմանական հասարակական կազմակերպությությունները Բեռլինի հայ համայքնի հետ միասին «Սա իրավունք չունի կրկնվելու» կարգախոսով Բեռլինի Եվրոպա-պլաց հրապարակում կազմակերպեցին ցույց` նվիրված 1988թ. Բաքվում, Սումգայիթում, Կիրովաբադում և Ադրբեջանի հայաբնակ այլ վայրերում հայ ազգաբնակչության ջարդերի զոհերի հիշատակին:

Երթի մասնակիցները կրել են ցուցապաստառներ «Սումգայիթի զոհերը զգուշացնում են. դա երբեք չպիտի կրկնվի» խորագրությամբ, անցորդներին բաժանվել են թերթիկներ ադրբեջանցիների կողմից հայ խաղաղ բնակչության դեմ իրագործած 1988թ. փետրվարի ջարդերի մասին:

Նույն օրը Բեռլինի «Լուիզենկիրխե» եկեղեցում տրվել է պատարագ` Հայ առաքելական եկեղեցու Գերմանիայի թեմի առաջնորդ սրբազան Գարեգին արքեպիսկոպոս Բեքչյանի մասնակցությամբ: Ելույթներով հանդես են եկել «Գերմանա-հայկական հաղորդակցություն» հանդեսի խմբագիր Րաֆֆի Կանտյանը և դր. Թեսսա Հոֆմանը (ելույթը): Եզրափակիչ խոսքով հանդես եկավ ԳԴՀ-ում ՀՀ դեսպան Ա. Մարտիրոսյանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր