COVID-19. Հյուպատոսական հաշվառում

12 մարտի, 2020

Հարգելի´ հայրենակիցներ,

Հաշվի առնելով մի շարք երկրներում կորոնավիրուսի (COVID-19) տարածման արդյունքում ստեղծված իրավիճակը և համաճարակային ռիսկերը՝ հորդորում ենք Գերմանիայում Հայաստանի Հանրապետության դեսպանության հյուպատոսական տիրույթում գտնվող ՀՀ քաղաքացիներին կանգնել հյուպատոսական հաշվառման կամ տրամադրել տեղեկություն իրենց գտնվելու վայրի վերաբերյալ՝ ուղարկելով տվյալները (անուն, ազգանուն, հայրանուն, ծննդյան ամսաթիվ, բնակության վայր /երկիր, երկրամաս, քաղաք/ և շուրջօրյա հասանելի բջջային հեռախոսահամար) armconsulargermany@mfa.am էլ-փոստի հասցեին՝ վերնագրում նշելով «Հյուպատոսական հաշվառում»:

Հիշեցնում ենք, որ հյուպատոսական հաշվառման կանգնելը կամավոր և անվճար գործընթաց է, որի նպատակն է ՀՀ քաղաքացիների իրավունքների և շահերի պաշտպանությունն ապահովելը, արտակարգ իրավիճակներում հնարավոր աջակցություն ցուցաբերելը, անհրաժեշտ խորհրդատվություն տրամադրելը։
Ստորև ներկայացնում ենք

- Հյուպատոսական հաշվառման ավտոմատացված համակարգի հղումը՝ https://germany.mfa.am/hy/consular-registration/
- ՀՀ դեսպանության հյուպատոսական բաժնի էլեկտրոնային փոստի հասցեն armconsulargermany@mfa.am
- ՀՀ դեսպանության հեռախոսահամարը (թեժ գիծը)՝ +49 176 58347590:

Հարգանքով՝
Գերմանիայում ՀՀ դեսպանություն

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր