Հայագիտության միջազգային ասոցիացիայի 15-րդ գլխավոր համաժողով

02 սեպտեմբերի, 2021

Սեպտեմբերի 2-ին Գերմանիայի Հալլե քաղաքի Մարտին Լյութերի անվան համալսարանում առցանց ձևաչափով մեկնարկեց Հայագիտության միջազգային ասոցիացիայի (Association Internationale des Études Arméniennes) 15-րդ գլխավոր համաժողովը։

Բացման խոսքով հանդես եկան AIEA-ի նախագահ Վալենտինա Կալցոլարին, Սաքսոնիա-Անհալթ երկրամասի խորհրդարանի փոխնախագահ Վուլֆ Գալլերթը և ԳԴՀ-ում ՀՀ դեսպան Աշոտ Սմբատյանը և Հալլեի համալսարանի Մեսրոպ հայագիտական կենտրոնի ղեկավար պրոֆ. դր. Արմենուհի Դրոստ-Աբգարյանը։

ՀՀ դեսպանն իր ելույթում հատուկ անդրադարձ կատարեց համաժողովի կազմակերպիչների և մասնակիցների լայն աշխարհագրությանը` այս համատեքստում ընդգծելով գիտության և մշակույթի միջոցով պետությունների և ժողովուրդների միջև երկխոսություն հաստատելու և համագործակցությունը խորացնելու առանձնահատկություններն ու կարևորությունը։ Արտերկրում հայագիտության զարգացմանն ուղղված քայլերի առումով շեշտեց «Մեսրոպ» հայագիտական կենտրոնի արժեքավոր գործունեությունը և ունեցած երկարամյա ավանդը:

Եռօրյա համաժողովի ընթացքում ոլորտի առաջատար մասնագետները կքննարկեն հայագիտության ամենատարբեր ճյուղերին առնչվող հարցեր։

Համաժողովին կարելի է առցանց հետևել https://aiea2021.xcom.live/live/stream/8055 հղմամբ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր