Բեռլինում կայացավ Հայ-գերմանական միջկառավարական հանձնաժողովի նիստը

09 սեպտեմբերի, 2021

Սեպտեմբերի 9-ին Բեռլինում՝ Գերմանիայի Դաշնային Հանրապետության տնտեսական համագործակցության և զարգացման նախարարությունում (BMZ), տեղի ունեցավ հայ-գերմանական միջկառավարական հանձնաժողովի հերթական նիստը:

Բացման խոսքով հանդես եկան նշյալ նախարարության Հարավ-Արևելյան և Արևելյան Եվրոպայի, Մերձավոր Արևելքի, Ասիայի և Լատինական Ամերիկայի, վարչության գլխավոր տնօրեն, գերմանական կողմից համանախագահող պրոֆ. դր. Կլաուդիա Վարնինգը և ՀՀ էկոնոմիկայի նախարարի տեղակալ, հայկական կողմի համանախագահ Ռաֆայել Գևորգյանը:

Նիստի օրակարգում ընդգրկված էր հարցերի լայն շրջանակ, այդ թվում՝ երկկողմ համագործակցության ընլայնման ուղղությամբ հետագա քայլերի քննարկում՝ տևական և կայուն տնտեսական զարգացման քաղաքականության, գյուղատնտեսության, շրջակա միջավայրի և էներգետիկայի, ժողովրդավարության, տարածքային կառավարման և ենթակառուցվածքների, արդարադատության, բանկային համակարգի, ֆինանսական համագործակցության, ՓՄՁ-ներին աջակցության և մի շարք այլ ոլորտներում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր