Դեսպան Վիկտոր Ենգիբարյանն այցելեց Բաբելսբերգի «Կոնրադ Վոլֆ» կինոհամալսարան

04 դեկտեմբերի, 2024

Դեսպան Վիկտոր Ենգիբարյանն այցելեց Բաբելսբերգի «Կոնրադ Վոլֆ» կինոհամալսարան, որտեղ հանդիպում ունեցավ համալսարանի նախագահ, պրոֆ․ դր․ Սյուզանե Շտյուրմերի հետ։

Բաբելսբերգի կինոհամալսարանը հիմնադրվել է 1954 թվականին և Գերմանիայում առաջին գեղարվեստական և գիտական կինոյի համալսարանն է։ Կինոհամալսարանը համատեղում է ակադեմիական և գեղարվեստական հետազոտությունները: Այստեղ ուսանել են բազմաթիվ ռեժիսորներ, պրոդյուսերներ, դրամատուրգներ, դերասաններ, կինոգիտնականներ և հեղինակներ տարբեր երկրներից:

ՀՀ դեսպանը շրջայցի ընթացքում ծանոթացավ համալսարանի ուսումնական և ֆիլմարտադրության գործընթացներին։

Պայմանավորվածություն ձեռք բերվեց կրթական ու ֆիլմարտադրության ոլորտում համագործակցություն ձևավորելու շուրջ աշխատանք տանելու վերաբերյալ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր