Արվեստը մարդասիրության բարձրագույն ձևն է

10 դեկտեմբերի, 2024

Այս մեջբերումը մեզ հիշեցնում է, որ բարեգործությունը և այլոց օգնելը սահմաններ չեն ճանաչում: Թյուրինգիայի տղամարդկանց «Ars Musica» երգչախումբը Բեռլինում կազմակերպել էր նախասուրբծննդյան բարեգործական համերգ, որից ստացված հասույթը ուղղվելու է Լիճքի Թումանյանի անվան միջնակարգ դպրոցին։ Երգչախումբն իր ստեղծագործական գործունեությամբ երկար տարիներ նվիրված է եղել Հայաստանին: 1988թ ավերիչ երկրաշարժից հետո երգչախումբն ի նշան համերաշխության և աջակցության համերգ տվեց՝ օգնելու հայ ժողովրդին։ Այդ ժամանակից ի վեր մինչ օրս երգչախումբը բազմաթիվ համերգներով և մշակութային նախաձեռնություններով է հանդես եկել՝ նվիրված Հայաստանին:

Երգչախումբն իր երաժշտական արմատներն ունի ինչպես Թյուրինգիայում, այնպես նաև Հալլեում: Սա նաև կարևոր դեր է խաղում և Հալլե և Գյումրի քաղաքների միջև գործընկերության և մշակութային երկխոսության խթանման գործում:

Համերգին ողջույնի խոսքով հանդես եկավ դեսպան Վիկտոր Ենգիբարյանը: Նա շնորհակալություն հայտնեց «Ars Musica» երգչախմբին, որը տարիների ընթացքում ոչ միայն երաժշտական կամուրջներ է կառուցել, այլև խորացրել է մեր երկու երկրների միջև բարեկամությունը: Դեսպանը նաև ընդգծեց, որ ՀՀ կառավարությունը նպատակադրվել է մինչև 2026թ կառուցել 500 մանկապարտեզ և 300 դպրոց։ Այնուամենայնիվ, մարդասիրությունն անգնահատելի է և ունի կամուրջներ կառուցելու, մարդկանց կապելու և միավորելու եզակի կարողություն:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր