Կարլսրուհեում տեղի ունեցավ Գերմանահայկան համերգաշարի եզրափակիչ համերգը

16 դեկտեմբերի, 2024

Դեկտեմբերի 6-ին Կարլսրուհեի Դուրլախ ամրոցում տեղի ունեցավ Գերմանահայկան համերգաշարի եզրափակիչ համերգը։ Երաժշտական կատարումներով հանդես եկան <<Ռաստրելի քառյակը>>, Անի Աղաբեկյանը (ջութակ) և Գևորգ Դաբաղյանը (դուդուկ)։

Գերմանահայկան համերգաշարը մեկնարկել էր այս տարվա հոկտեմբեր ամսին։ Ավանդաբար այն անցկացվում է Գերմանիայի Կարլսրուհե և Բադեն-Բադեն քաղաքներում։ Այս տարի ևս համերգներին ներկա գտնվեցին հարյուրավոր հանդիսատեսներ, ելույթներ ունեցան Բադեն-Բադենի քաղաքապետ Դիթմար Շպեթը, Կարլսրուհեի մշակութային հարցերով քաղաքապետ դր․ Ալբերտ Քոյֆլայնը, ԳԴՀ-ում ՀՀ առևտրաարդյունաբերական պալատի ներկայացուցիչ Ռոբերտ Վ. Հուբերը և այլք, իսկ գերմանական մի շարք պարբերականներ հանդես եկան համերգաշարի վերաբերյալ հրապարակումներով։

Համերգաշարն անցկացվեց Բադեն-Վյուրթեմբերգ երկրամասում ՀՀ պատվավոր հյուպատոս Գյունթեր Պիլարսկու հովանու ներքո։ Միջոցառումների շարքին աջակցեց նաև ԳԴՀ-ում ՀՀ դեսպանությունը։

Շնորհակալություն ենք հայտնում միջոցառումների բոլոր աջակիցներին, մասնակիցներին և, իհարկե, արվեստագետներին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր