Գերմանիայում ՀՀ դեսպանության մասնակցությունը Բեռլինում կազմակերպվող «Fête des Francophonies» խորագրով ամենամյա փառատոնին

05 ապրիլի, 2025

Ապրիլի 5-ին Գերմանիայում ՀՀ դեսպանությունը մասնակցեց Բեռլինում կազմակերպվող «Fête des Francophonies» խորագրով ամենամյա փառատոնին, որին հրավիրվում են Բեռլինում հավատարմագրված Ֆրանկոֆոնիայի անդամ երկրների դեսպանությունները:

Ֆրանկոֆոնիայի տոնի ընթացքում տեղի ունեցան մի շարք միջոցառումներ, այդ թվում՝ ֆիլմերի ցուցադրություն, ազգային երաժշտության ներկայացում, ազգային խոհանոցների ուտեստների համտեսում, մանկական միջոցառումներ։

Հայաստանի դեսպանությունը հանդես եկավ առանձին տաղավարով, որում ներկայացված էին Հայաստանի տնտեսությանն ու զբոսաշրջությանը վերաբերող տեղեկատվական նյութեր, հայկական քաղցրավենիք և գինիներ:

Փառատոնի շրջանակներում ցուցադրվեց ռեժիսոր և սցենարիստ Վահան Գրիգորյանի «Ցեխը» կարճամետրաժ ֆիլմը` ֆրանսերեն ենթագրերով։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր