Գերմանական ակադեմիական փոխանակման ծառայության 100-ամյա հոբելյանին նվիրված միջոցառում

06 մայիսի, 2025

Մայիսի 6-ին Բեռլինի «Humboldt Forum»-ում կայացավ Գերմանական ակադեմիական փոխանակման ծառայության (DAAD) 100-ամյա հոբելյանին նվիրված միջոցառումը, որին ներկա էր ՀՀ դեսպան Վիկտոր Ենգիբարյանը, ով նաև DAAD-ի կրթաթոշակակիր է եղել։

Միջոցառմանը տեսաուղերձով հանդես եկավ դաշնային նախագահ Ֆրանկ- Վալտեր Շտայնմայերը։

Միջոցառման ընթացքում երաժշտական կատարումներով ելույթ ունեցան հայազգի ջութակահար Արեգ Նավասարդյանը և կորեացի դաշնակարուհի Ջոնջին Կիմը, ովքեր ի թիվս այլ գործերի՝ ներկայացրեցին նաև Արամ Խաչատրյանի ստեղծագործություններից։

DAAD-ի և Հայաստանի միջև համագործակցությունը նշանակալի դեր ունի կրթության, գիտության և միջմշակութային փոխանակման խթանման գործում։ Բազմաթիվ հայ ուսանողների, հետազոտողների և ուսուցիչների հնարավորություն է ընձեռվել սովորել, հետազոտություններ անցկացնել կամ շարունակել իրենց կրթությունը Գերմանիայում՝ DAAD կրթաթոշակների միջոցով։

ՀՀ դեսպանը շնորհավորեց DAAD-ի նախագահ Ջոյբրատո Մուխերջիին DAAD-ի 100-ամյա հոբելյանի կապակցությամբ՝ մաղթելով հաջողություններ և արդյունավետ համագործակցություն նաև առաջիկայում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր