Երևանի երիտասարդական սիմֆոնիկ նվագախումբը փայլուն դեբյուտով հանդես եկավ Բեռլինի Konzerthaus-ի բեմում

02 օգոստոսի, 2025

Այս օրերին Բեռլինի հռչակավոր Konzerthaus համերգասրահը հյուրընկալում է ամենամյա և բարձր հեղինակություն ունեցող Young Euro Classic փառատոնը, որն արդեն երկար տարիներ երիտասարդական սիմֆոնիկ նվագախմբերի ներկայացման կարևորագույն հարթակներից մեկն է Եվրոպայում։

Օգոստոսի 2-ին փառատոնի շրջանակում իր դեբյուտային ելույթով հանդես եկավ Երևանի երիտասարդական սիմֆոնիկ նվագախումբը՝ դիրիժոր Սերգեյ Սմբատյանի ղեկավարությամբ։ Համերգային ծրագրում հնչեցին՝ Էդվարդ Գրիգի «Պեր Գյունտ» Սյուիտ թիվ 1, Անտոնին Դվորժակի թիվ 9 մի մինոր «Նոր աշխարհից» սիմֆոնիան, Արամ Խաչատրյանի Սուսերով պար «Գայանե» բալետի սյուիտներից և Վալս «Դիմակահանդես» դրամայի երաժշտությունից։

Համերգի ընթացքում նվագախմբի հետ ելույթ ունեցավ աշխարհահռչակ շեփորահար Սերգեյ Նակարյակովը, ով կատարեց կոմպոզիտոր Ալեքսանդր Հարությունյանի շեփորի կոնցերտը։

Համերգին ներկա էին Երևանի քաղաքապետի տեղակալ Լևոն Հովհաննիսյանը և ԳԴՀ-ում ՀՀ դեսպան Վիկտոր Ենգիբարյանը։

ՀՀ դեսպանությունը շնորհավորում է տաղանդավոր երաժիշտներին հաջողված ելույթի առիթով՝ մաղթելով նոր ձեռբերումներ։

Համերգը հասանելի է https://www.arte.tv/en/videos/127071-003-A/yerevan-youth-symphony-orchestra/ հղումով։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր