Դեսպան Ենգիբարյանի հանդիպումը պատգամավոր Ֆիլիպ Մ․Ա․ Հոֆմանի հետ

26 փետրվարի, 2026

2022-ից ի վեր Հայաստանը և Գերմանիան համագործակցում են Գերմանիայի կառավարության «Օրակարգ 2030» ռազմավարության շրջանակում՝ որպես երկկողմ գործընկեր։ Մինչ այժմ նշյալ համագործակցության շրջանակում տեղի են ունեցել երկու միջկառավարական բանակցություններ, վերջինի արդյունքում Գերմանիան Հայաստանին կտրամադրի 152մլն. եվրո աջակցություն էներգետիկայի, տրանսպորտի, շրջակա միջավայրի և առևտրի ոլորտներում՝ ուղղված համատեղ նախագծերի իրականացմանը, նոր տեխնոլոգիաների ներդրմանը և կայուն զարգացման խթանմանը:

Գերմանիայում ՀՀ դեսպան Վիկտոր Ենգիբարյանի և Բունդեսթագի Տնտեսական համագործակցության և զարգացման հանձնաժողովի պատգամավոր Ֆիլիպ Մ․Ա․ Հոֆմանի (ՔԴՄ/ՔՍՄ) հանդիպման ընթացքում քննարկվեց Հայաստանի Հանրապետության և Գերմանիայի Դաշնային Հանրապետության կառավարությունների միջև սահմանված երկու երկրների միջև համագործակցության առաջընթացի վերաբերյալ հարցեր, կարևորվեց համագործակցության խորացումը։ ՀՀ դեսպանը բարձր գնահատեց Գերմանիայի դերը Հայաստանի կայուն զարգացման գործում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր