Դեսպան Վիկտոր Ենգիբարյանի հանդիպումը պատգամավոր Շրապսի հետ

26 փետրվարի, 2026

Հայաստանը և Գերմանիան անցած տարվա դեկտեմբերին ստորագրեցին «Գործընկերության ռազմավարական օրակարգի» հռչակագիրը, ինչը սահմանում է քաղաքական, տնտեսական, զարգացման և կարողությունների ամրապնդման, մշակույթի, կրթության, գիտության, անվտանգության և պաշտպանության ոլորտներում առավել սերտ համագործակցություն։ Եվրոպական Միության հետ Հայաստանը ևս ստորագրել է «Գործընկերության ռազմավարական օրակարգի» հռչակագիր, որն իր հերթին սահմանում է համագործակցություն ժողովրդավարության, իրավունքի գերակայության, արդարադատության բարեփոխումների, մարդու իրավունքների, սոցիալ–տնտեսական զարգացման, էներգետիկ անվտանգության, առևտրի դիվերսիֆիկացման, ինչպես նաև անվտանգության և պաշտպանության ոլորտներում։

Դեսպան Վիկտոր Ենգիբարյանի և Բունդեսթագի Եվրոպական Միության հարցերով հանձնաժողովի նախագահի տեղակալ Յոհաննես Շրապսի (ՍԴԿ) հանդիպման ընթացքում կարևորվեց Բունդեսթագի հետ համագործակցությունը ստորագրված փաստաթղթերը կյանքի կոչելու համատեքստում։ Դեսպանը զրուցակցին ներկայացրեց տարածաշրջանի ներկայիս զարգացումները, Հայաստան-ԵՄ ինտեգրման գործընթացները։ Անդրադարձան Հայաստան-Ադրբեջան, Հայաստան-Թուրքիա հարաբերությունների կարգավորման առնչվող հարցերին։

ՀՀ դեսպանը պատգամավորին շնորհակալություն հայտնեց Հայաստանի հետ կապված վերջինիս կառուցողական դիրքորոշման և աջակցության համար։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր