Հայաստանը և Գերմանիան քննարկում են «Միջին միջանցքի» շրջանակում համագործակցության թեման

02 մարտի, 2026

Տեղի ունեցավ դեսպան Վիկտոր Ենգիբարյանի հանդիպումը ԳԴՀ Տրանսպորտի նախարարության Միջազգային համագործակցության հարցերով նախարարական տնօրեն Մարինա Կյոստերի հետ։

Քննարկվեցին երկկողմ համագործակցության զարգացման հնարավորությունները, Հայաստանի հետաքրքրությունները տրանսպորտի, էներգետիկայի, նորարարության և կայուն զարգացման ոլորտներում: Դեսպանը ներկայացրեց Հայաստանի կառավարության «Խաղաղության խաչմերուկ» ծրագրի նպատակները, որոնք կենտրոնացած են տարածաշրջանային կապերի, ենթակառուցվածքների զարգացման և տնտեսական ինտեգրման վրա: Անդրադարձ կատարվեց նաև TRIPP նախագծին, որպես կարևոր քայլ դեպի կայուն և ինտեգրված տնտեսական միջավայրի ձևավորում։ Զրուցակիցներն անդրադարձան Միջին միջանցքի գործարկմանը և քննարկեցին այդ համատեքստում համագործակցության հնարավորությունները։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր