Դեսպան Վիկտոր Ենգիբարյանի հանդիպումը Reiner Lemoine Institut-ի տնօրեն Պրոֆ. դր. Քատրին Գոլդամերի հետ

07 մայիսի, 2026

Էներգիայի կուտակիչներ, կանաչ ջրածին և վերականգնվող էներգիա. այս թեմաները քննարկեցին ՀՀ դեսպան Վիկտոր Ենգիբարյանը և Reiner Lemoine Institut-ի տնօրեն Պրոֆ. դր. Քատրին Գոլդամերը։

Reiner Lemoine Institut-ը անկախ, շահույթ չհետապնդող հետազոտական ինստիտուտ է, որը 2010 թվականին հիմնադրվելուց ի վեր հանդես է գալիս 100 տոկոս վերականգնվող էներգիայի վրա հիմնված ապագայի օգտին։

Ինստիտուտն իրականացնում է կիրառական և գիտական հետազոտություններ՝ նպաստելու Գերմանիայում և ամբողջ աշխարհում էներգետիկ փոխակերպմանը։

Հաշվի առնելով, որ Հայաստանն ունի վերականգնվող էներգիայի մեծ ռեսուրս ու զարգացման ներուժ, և որ երկիրը գտնվում է արևելք-արևմուտք էներգետիկ միջանցքի կենտրոնում՝ ՀՀ դեսպանը և ինստիտուտի տնօրենը պայմանավորվեցին համագործակցել նշված ոլորտներում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր