ԳԴՀ-ում ՀՀ դեսպանի հանդիպումը Քիլի արդյունաբերության և առևտրի պալատում

09 նոյեմբերի, 2026

Գերմանիայի Շլեզվիգ-Հոլշթայն երկրամաս այցի շրջանակներում դեսպան Վիկտոր Ենգիբարյանը այցելեց Քիլի արդյունաբերության և առևտրի պալատ, որտեղ տեղի ունեցավ հանդիպում պալատի գլխավոր գործադիր տնօրեն Յորգ Օրլեմաննի և Լյուբեկի առևտրի և արդյունաբերության պալատի արտաքին միջազգային բաժնի ղեկավար Վերներ Քոոփմաննի հետ:

Հանդիպմանը դեսպան Ենգիբարյանը ներկայացրեց տարածաշրջանային ենթակառուցվածքների և տրանսպորտային ուղիների ապաշրջափակման արդյունքում առաջացող առևտրի և լոգիստիկ հնարավորությունները:

Հատուկ անդրադարձ կատարվեց վերականգնվող էներգիայի, ենթակառուցվածքների, տեղեկատվական տեխնոլոգիաների և այլ բնագավառներում Հայաստանի ներդրումային գրավչությանը, ինչպես նաև Հայաստանում օտարերկրյա ներդրումային հնարավորություններին:

Դեսպան Ենգիբարյանը գրառում կատարեց պալատի պատվավոր հյուրերի «Ոսկե գրքում»:

Հանդիպմանը ՀՀ դեսպանին ուղեկցեց Շլեզվիգ-Հոլշթայն երկրամասում ՀՀ պատվավոր հյուպատոս Հայկո Հեխթը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր