Դեսպանի հանդիպումը Բունդեսթագի ՔԴՄ/ՔՍՄ խմբակցության արտաքին քաղաքական հարցերով խոսնակ Յուրգեն Հարդթի հետ

14 հոկտեմբերի, 2022

Հոկտեմբերի 14-ին դեսպան Վիկտոր Ենգիբարյանը հանդիպեց ԳԴՀ Բունդեսթագի ՔԴՄ/ՔՍՄ խմբակցության արտաքին քաղաքական հարցերով խոսնակ, Բունդեսթագի արտաքին հարաբերությունների մշտական հանձնաժողովի ավագ անդամ Յուրգեն Հարդթի հետ:

Հանդիպման ընթացքում կողմերը քննարկեցին իրավիճակը տարածաշրջանում: Դեսպանը շնորհակալություն հայտնեց պարոն Հարդտին՝ սեպտեմբերի 13-ի իրադարձություններին հայտարարությամբ արագ արձագանքելու համար:

Դեսպանը տեղեկացրեց Ֆրանսիայի նախագահ Էմանուել Մակրոնի և Եվրոպական խորհրդի նախագահ Շառլ Միշելի միջնորդությամբ Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի միջև հոկտեմբերի 6-ին Պրահայում կայացած հանդիպման արդյունքների և հետագա գործողությունների մասին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր