Գյումրին և Հալլեն հռչակվեցին քույր քաղաքներ

06 մարտի, 2023

Այսօր տեսակոնֆերանսի ձևաչափով տեղի ունեցավ ՀՀ Գյումրի և ԳԴՀ Հալլե քաղաքների միջև համագործակցության հուշագրի ստորագրման հանդիսավոր արարողությունը: Ողջույնի խոսքով հանդես եկան Հալլեի քաղաքապետ Էգբերտ Գայերը, Գյումրու քաղաքապետ Վարդգես Սամսոնյանը, ՀՀ դեսպան Վիկտոր Ենգիբարյանը, Գյումրիում ԳԴՀ պատվավոր հյուպատոս Ալեքսան Տեր-Մինասյանը և «Հալլե-Գյումրի Հայ-գերմանական բարեկամության» միության վարչության ղեկավար Արմեն Կլիշը:

Դեսպանն իր ելույթում ընդգծեց կրթության, գիտության և մշակույթի ոլորտներում Հալլեի և Գյումրու համայնքների միջև երկարամյա համագործակցությունը, ինչպես նաև անդրադարձավ կողմերի կատարած աշխատանքին՝ հուշագրի ստորագրումը իրականություն դարձնելու համար: Դեսպանի համոզմամբ հուշագիրն ազդարարում է մարդկանց միջև նոր շփումների, նոր համագործակցությունների հաստատման և նոր համատեղ նախաձեռնությունների սկիզբ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր