Գերմանացի եպիսկոպոսների կոնֆերանսի նախագահ, եպիսկոպոս դր. Գեորգ Բեցինգը Լեռնային Ղարաբաղում հումանիտար իրավիճակի մասին

05 սեպտեմբերի, 2023

Սեպտեմբերի 4-ին ՀՀ դեսպան Վիկտոր Ենգիբարյանը մասնակցել է Սուրբ Միխայելի ամենամյա ընդունելությանը, որի ընթացքում հանդիպում է ունեցել Գերմանացի եպիսկոպոսների կոնֆերանսի նախագահ, եպիսկոպոս դր. Գեորգ Բեցինգի հետ: Դեսպանը վերջինիս է ներկայացրել Լեռնային Ղարաբաղում հումանիտար աղետալի իրավիճակը:

Հանդիպումից հետո դր. Գեորգ Բեցինգը հանդես է եկել հետևյալ հայտարարությամբ. «Մենք, որպես եկեղեցի, չպետք է մոռանանք այս հակամարտությունը: Իմ մտահոգությունն այն է, որ այն բավարար ուշադրության չի արժանանում լուրերում: Մեր պարտավորությունն է՝ ամեն ինչ անել մարդկանց տառապանքը մեղմելու համար: Լեռնային Ղարաբաղ տանող շրջափակված միջանցքը (Լաչինի միջանցքը) պետք է բացվի Ադրբեջանի կողմից, որպեսզի հայ բնակչության համար օգնության մատակարարումները հնարավոր դառնան»:

ՀՀ դեսպանը բարձր է գնահատել Գերմանացի եպիսկոպոսների կոնֆերանսի հետ համագործակցությունը և հույս հայտնել, որ այն կնպաստի Լեռնային Ղարաբաղի հումանիտար իրավիճակի հասցեագրմանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր