Հալլե (Զաալե) և Գյումրի քաղաքների միջև գործընկերությանը նվիրված միջոցառում

25 նոյեմբերի, 2023

Նոյեմբերի 25-ին Հալլեի քաղաքապետարանի մեծ դահլիճում տեղի ունեցավ ԳԴՀ Հալլե (Զաալե) և ՀՀ Գյումրի քաղաքների միջև գործընկերությանը նվիրված միջոցառում: Այն կազմակերպվել էր German-Armenian Friendship Society Halle-Gyumri e.V. նախաձեռնությամբ: Միջոցառման ընթացքում տեղի ունեցավ նաև հանգանակություն Լեռնային Ղարաբաղից բռնի տեղահանված հայերին աջակցելու նպատակով:

Միջոցառմանը ելույթներով հանդես եկան Սաքսոնիա-Անհալթ երկրամասի Լանդթագի նախագահ դր. Գունար Շելենբերգերը, ՀՀ պատվավոր հյուպատոս Միխաել Շմիդտը, Հալլեի քաղաքապետարանի ներկայացուցիչ դր. Պատցեն, German-Armenian Friendship Society Halle-Gyumri e.V. վարչության նախագահ Արմեն Կլիշը, Գյումրիում ԳԴՀ պատվավոր հյուպատոս Ալեքսան Տեր-Մինասյանը, ինչպես նաև Գյումրիի «Թումո» կենտրոնի տնօրեն Լենա Կարապետյանը: Զեկույցով հանդես եկավ նաև TUMO International-ի բիզնես զարգացման մենեջեր Շտեֆեն Բրիջիսը: Միջոցառմանը մասնակցում էին նաև ՀՀ դեսպանության ներկայացուցիչները: Երաժշտական կատարումներով հանդես եկավ Արտեմ Սարգսյանը (դուդուկ):

Գյումրիի և Հալլեի միջև քաղաքային համագործակցության մասին համաձայնագիրը ստորագրվել է ս.թ. մարտի 6-ին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր