Մարտին Լյութերի անվան համալսարանի ռեկտորը և ՀՀ դեսպանը ստորագրեցին պայմանագիր համագործակցության վերաբերյալ

08 դեկտեմբերի, 2023

Դեկտեմբերի 8-ին Հալլե-Վիթենբերգի Մարտին Լյութերի անվան համալսարանում տեղի ունեցավ <<Մեսրոպ>> հայագիտական կենտրոնի 25-ամյակին նվիրված գիտական միջոցառում, որին մասնակցեց և ողջույնի խոսքով հանդես եկավ ՀՀ դեսպան Վիկտոր Ենգիբարյանը։ Վերջինս իր խոսքում անդրադարձավ գիտակրթական ոլորտում հայ-գերմանական երկկողմ համագործակցությանը, <<Մեսրոպ>> հայագիտական կենտրոնի նշանակալի դերակատարությանը այդ գործում։

Ողջույնի ելույթներով հանդես եկան նաև Սաքսոնիա-Անհալթ երկրամասի գիտության, էներգիայի, կլիմայի պաշտպանության և շրջակա միջավայրի նախարար, պրոֆ․ դր․ Արմին Վիլինգմանը, Հալլե-Վիթենբերգի Մարտին Լյութերի անվան համալսարանի ռեկտոր, պրոֆ․ դր․ Կլաուդիա Բեքերը և <<Մեսրոպ>> հայագիտական կենտրոնի տնօրեն, պրոֆ․ դր․ Կոռնելիա Հորնը։

Միջոցառման ընթացքում տեղի ունեցավ նաև ՀՀ դեսպանության, ի դեմս դեսպան Վիկտոր Ենգիբարյանի, և Հալլե-Վիթենբերգի Մարտին Լյութերի անվան համալսարանի, ի դեմս ռեկտոր, պրոֆ․ դր Կլաուդիա Բեքերի, միջև <<Մեսրոպ>> հայագիտական կենտրոնի հետագա գործունեությանն առնչվող պայմանագրի ստորագրման հանդիսավոր արարողություն։

Ստորև ներկայացնում ենք Հալլե-Վիթենբերգի Մարտին Լյութերի անվան համալսարանի անդրադարձը՝ https://www.campus-halensis.de/artikel/25-jahre-mesrop/

Fotos: Uni Halle / Markus Scholz

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր