<<Հայոց ցեղասպանություն և ճարտարապետություն>> խորագրով ցուցահանդես Ֆրիդրիխ Էբերտի անվան տուն-թանգարանում

23 ապրիլի, 2024

Ապրիլի 23-ին ՀՀ դեսպան Վիկտոր Ենգիբարյանը Հայդելբերգի Ֆրիդրիխ Էբերտի անվան տուն-թանգարանի լեցուն դահլիճում մասնակցեց <<Հայոց ցեղասպանություն և ճարտարապետություն>> խորագրով ցուցահանդեսի բացման արարողությանը։ Դեսպանը հանդես եկավ ողջույնի խոսքով։

Ցուցահանդեսը ներկայացնում է 1915 թվականի ցեղասպանության հետևանքով Թուրքիայում հայկական ճարտարապետական ժառանգության կորստի և ոչնչացման ընդհանուր պատկերը։

Ավելի վաղ պրոֆ․ դր․ Բերնդ Բրաունի ուղեկցությամբ դեսպանը շրջայց կատարեց Ֆրիդրիխ Էբերտի անվան տուն-թանգարանում։

Ֆրիդրիխ Էբերտի հիշատակի տուն-թանգարանը յոթ դաշնային քաղաքական հիշատակի տուն-թանգարաններից մեկն է: Վերջինիս նպատակն է պահպանել գերմանական ռեյխի առաջին նախագահ Ֆրիդրիխ Էբերտի աշխատանքի հիշողությունը և նպաստել իր ժամանակի գերմանական պատմության ըմբռնմանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր