ՀՀ դեսպանությունը հյուրընկալեց Հալլեի Էլիզաբեթ գիմնազիայի և Երևանի պետական հումանիտար քոլեջի ունկնդիրներին

26 սեպտեմբերի, 2024

Աշակերտների և ուսանողների փոխանակման ծրագրերը Հայաստան-Գերմանիա հարաբերությունների կարևոր մաս են, դրանք նպաստում են մարդկանց միջև կապերի հաստատմանը, միջմշակութային երկխոսությանը և իհարկե լավ հնարավորություն են լեզուներ ու տարբեր մասնագիտություններ սովորելու համար։

Այս շաբաթ, ԳԴՀ-ում ՀՀ դեսպանությունը ուսանողների փոխանակման ծրագրի շրջանակներում հյուրընկալել էր Հալլեի Էլիզաբեթ գիմնազիայի և իր գործընկեր Երևանի պետական հումանիտար քոլեջի ունկնդիրներին: ՀՀ դեսպան Վիկտոր Ենգիբարյանը ողջունեց հյուրերին, անդրադարձավ Հայաստան-Գերմանիա գիտակրթական, մշակութային հարաբերություններին և պատասխանեց ներկաների հարցերին: Դեսպանը կարևորեց արդեն ավանդույթ դարձած նման ձևաչաձով հանդիպումները և մտքերի փոխանակումը, ինչպես նաև ընդգծեց նմանատիպ փոխանակման ծրագրերի կարևորությունը հայ-գերմանական հետագա կապերի ամրապնդման գործում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր