ՀՀ դեսպան Վիկտոր Ենգիբարյանի այցը Շվեբիշ Գմյունդ քաղաք

17 փետրվարի, 2025

Փետրվարի 17-ին ՀՀ դեսպան Վիկտոր Ենգիբարյանն այցելեց ԳԴՀ Բադեն-Վյուրթեմբերգ դաշնային երկրամասի Շվեբիշ Գմյունդ քաղաք։

Գերմանական Կարմիր խաչի Բադեն-Վյուրթեմբերգի երկրամասային կազմակերպության աջակցությամբ Գերմանիայի Շվեբիշ-Գմյունդ քաղաքի և Օստալբի շրջանի կողմից շուրջ 30 տարի «Գթության խոհանոց» ծրագրի միջոցով օգնություն է տրամադրվում Հայաստանի տարբեր քաղաքաներում բնակվող կարիքավոր անձանց։ Շվեբիշ-Գմյունդ քաղաքի կրթական կենտրոնի 2025թ․ ամառային կիսամյակի առանցքային թեման ընտրվել է Հայաստանը, որի շրջանակներում նախատեսված են մի շարք միջոցառումներ։

ՀՀ դեսպանը քաղաքապետ Քրիստիան Բարոնի (ՔԴՄ) ուղեկցությամբ շրջայց կատարեց քաղաքում, ծանոթացավ քաղաքի և Սուրբ Խաչ տաճարի պատմությանը։ Դեսպան Ենգիբարյանի այցի կապակցությամբ քաղաքապետարանում տեղի ունեցավ պաշտոնական ընդունելություն, ՀՀ դեսպանը գրառում կատարեց քաղաքի ոսկե գրքում։ Նույն օրը ՀՀ դեսպանը մասնակցեց Հայաստանին նվիրված միջոցառումների պաշտոնական բացմանը, որին մասնակցում էին Բադեն Վյուրթեմբերգ երկրամասի կառավարության, խորհրդարանի և քաղաքացիական հասարակության ներկայացուցիչներ։ Դեսպանը հանդես եկավ Հայաստանի մասին դասախոսությամբ, պատասխանեց ներկաների հարցերին և իր գնահատանքի խոսքը հայտնեց քաղաքի բնակիչների բազմամյա բարեգործական ծրագրերի համար։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր