«Հայաստանի և Գերմանիայի քաղաքացիական հասարակությունների միջև համագործակցությունը» թեմայով կլոր սեղան քննարկում

08 ապրիլի, 2025

Ապրիլի 8-ին ՀՀ դեսպան Վիկտոր Ենգիբարյանը մասնակցեց գերմանական «West-Östliche Begegnungen» հիմնադրամի կողմից կազմակերպված «Հայաստանի և Գերմանիայի քաղաքացիական հասարակությունների միջև համագործակցությունը» թեմայով կլոր սեղան քննարկմանը։

Հանդիպմանը ներկա էին ԳԴՀ ԱԳՆ, քաղաքացիական հասարակության, գիտական, կրթական և բարեգործական կազմակերպությունների ներկայացուցիչներ։

ՀՀ դեսպանն իր բացման խոսքում անդրադարձավ քաղաքացիական հասարակության կարևոր դերին, ներկայացրեց Հայաստանում ՀԿ-երի աշխատանքը մարդու իրավունքների պաշտպանության, կրթության, կանանց իրավունքների խթանման ոլորտներում։ Ընդգծեց, որ ՀԿ-ները շարունակում են կարևոր դեր խաղալ Հայաստանի սոցիալ-քաղաքական զարգացման, ժողովրդավարական արժեքների առաջմղման գործում։ Նաև պատասխանեց ներկաներին հարցերին։

Հանդիպման մասնակիցները ներկայացրեցին իրենց հաստատությունների կողմից իրականացվող ծրագրերը, նախաձեռնությունները, խնդիրները։ Քննարկվեցին Գերմանա-Հայաստան ցանցերի ընդլայնման, նոր գործընկերությունների հաստատմանն առնչվող հարցեր։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր