Դեսպան Վիկտոր Ենգիբարյանի մասնակցությունը Պոտսդամում «Ժողովրդավարություն և խաղաղություն 2025» համաժողովին

01 հոկտեմբերի, 2025

ԳԴՀ-ում ՀՀ դեսպան Վիկտոր Ենգիբարյանը մասնակցեց Պոտսդամի Մշակութային դիվանագիտության ինստիտուտի կողմից կազմակերպված «Ժողովրդավարություն և խաղաղություն 2025» համաժողովին և հանդես եկավ «Հայաստանը Խաղաղության խաչմերուկ» թեմայով ելույթով:

Դեսպան Ենգիբարյանը վերահաստատեց, որ ժողովրդավարության և խաղաղության արժեքները ՀՀ կառավրության առաջնահերթություններից են, և որ Հայաստանը շարունակում է հավատարիմ մնալ այդ արժեքներին։

Իր ելույթում դեսպան Ենգիբարյանը ներկայացրեց ՀՀ Կառավարության կողմից մշակված «Խաղաղության խաչմերուկ» նախագիծը՝ որպես տնտեսական փոխկապակցվածության ապահովման և Հարավային Կովկասում խաղաղության կարևոր երաշխիք:

ՀՀ դեսպանը, անդրադառնալով տարածաշրջանում հաստատված խաղաղությանը, ներկայացրեց Վաշինգտոնում օգոստոսի 8-ին ձեռք բերված համաձայնությունները: Այս համատեքստում ներկայացրեց տարածաշրջանում հաղորդակցության ուղիների ապաշրջափակման կարևորությունը: «Կարևոր է երկու երկրների միջև հաղորդակցությունների բացումը՝ ազգային, երկկողմ և միջազգային երթևեկության համար՝ պետությունների ինքնիշխանության, տարածքային ամբողջականության և իրավասության նկատմամբ հարգանքի հիման վրա, տարածաշրջանում և նրա շրջակայքում խաղաղության, կայունության և բարգավաճման խթանման նպատակով»,- նշեց նա:

Համաժողովին մասնակցեցին նաև Գերմանիայում հավատարմագրված այլ պետությունների դեսպաններ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր