«Լոմոնոսովի օրեր Բեռլինում 2025» 5-րդ միջազգային դպրոցական օլիմպիադա

17 նոյեմբերի, 2025

Նոյեմբերի 17-22-ը անց է կացվում «Լոմոնոսովի օրեր Բեռլինում 2025» 5-րդ միջազգային դպրոցական օլիմպիադան, որի պաշտոնական բացման արարողությունը տեղի ունեցավ նոյեմբերի 17-ին։ Օլիմպիադային մասնակցում են շուրջ 80 աշակերտներ Գերմանիայից, Հայաստանից, Լատվիայից, Ուզբեկստանից, Մոնղոլիայից, Ղազախստանից, Ղրղզստանից և Հնդկաստանից։ Հայաստանից մրցույթին մասնակցում են Գյումրու տնտեսագիտական վարժարանի և «Վարդանանք» կրթահամալիրի աշակերտները։

Միջոցառմանը ներկա էին Բեռլինի Լոմոնոսովի անվան միջազգային դպրոցների համակարգող դր․ Ալեքսանդր Օտտը, Բեռլինի Ներկայացուցիչների պալատի անդամ (CDU) Յոհաննես Մարտինը, Բեռլինի Սենատի կրթության, երիտասարդության և ընտանիքի հարցերի վարչության ներկայացուցիչ Կարմեն Վիտտը, Բեռլին–Բրանդենբուրգի գերմանական մասնավոր դպրոցների ասոցիացիայի նախագահ Անդրեաս Վեգեները, ինչպես նաև օտարերկրյա դեսպանությունների ներկայացուցիչներ։

Բացման արարողությանը ներկա էր նաև դեսպանության խորհրդական Լուսինե Դավթյանը, ով ներկաներին փոխանցեց դեսպան Վիկտոր Ենգիբարյանի ողջույնի խոսքը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր