Դեսպան

Ն.Գ. պարոն Վիկտոր Ենգիբարյան

Գերմանիայում Հայաստանի Հանրապետության
արտակարգ և լիազոր դեսպան

Ծնվել է 1981թ. հուլիսի 11-ին, Թալինում:

Կրթություն՝

1998-2002թթ. Երևանի պետական համալսարան, Փիլիսոփայության, սոցիոլոգիայի և հոգեբանության ֆակուլտետ, սոցիոլոգիայի բաժին, բակալավրիատ,

2002-2004թթ. Ռուր-Բոխումի համալսարան, Սոցիալական գիտությունների ֆակուլտետ, Եվրոպագիտություն և միջազգային կորպորացիաների կառավարում (անդրազգայնացում), մագիստրոսական ծրագիր (Գերմանիա),

2002-2003թթ. Հագենի հեռակա համալսարան, Ռեգիոնալացում, գլոբալացում և եվրոպականացում, հեռավար դասընթաց (Գերմանիա),

2018թ. Իրավունքի և դիվանագիտության Ֆլետչերի դպրոց, Թաֆթսի համալսարան (ԱՄՆ)։

Աշխատանքային գործունեություն՝

2002-2004թթ. Հայ ակադեմիականների միություն 1860 (Գերմանիա), վարչության անդամ,

2005-2006թթ. Միավորված ազգերի կազմակերպության զարգացման ծրագիր (ՀՀ ՊՆ, ԵՄ), մարդասիրական ականազերծման ծրագիր, տվյալների կառավարման մասնագետ,

2008-2010թթ. Հազարամյակի մարտահրավերներ ծրագիր, կառավարման խորհրդի անդամ,

2011-2013թթ. Գերմանական համագործակցության միջազգային գործակալություն (GIZ) ծրագրերի համակարգող, միջազգային համագործակցության հարցերով խորհրդատու,

2005-2018թթ. Հայաստանի եվրոպական շարժում ՀԿ, Միջազգային եվրոպական շարժման հայաստանյան խորհրդի նախագահ,

2018թ. Երևանի ավագանու անդամ, «Ելք» խմբակցություն,

2019-2021թթ. ՀՀ Ազգային ժողովի պատգամավոր, «Իմ քայլը» խմբակցություն Եվրոպական ինտեգրման հարցերով մշտական հանձնաժողովի անդամ, Եվրոնեսթ ԽՎ հայաստանյան պատվիրակության ղեկավար, ՀՀ-Ավստրիա բարեկամական խմբի ղեկավար, ՆԱՏՕ ԽՎ ասոցացված պատվիրակության անդամ, Եվրոպական խորհրդարան-ՀՀ ԱԺ գործընկերության և համագործակցության հանձնաժողովի անդամ:

2021թ. նոյեմբերի 5-ին ՀՀ նախագահի հրամանագրով նշանակվել է Գերմանիայի Դաշնային Հանրապետությունում Հայաստանի Հանրապետության արտակարգ և լիազոր դեսպան:

2022թ. հունիսի 10-ին ՀՀ նախագահի հրամանագրով համատեղության կարգով նշանակվել է Լիխտենշտայնի Իշխանապետությունում Հայաստանի Հանրապետության արտակարգ և լիազոր դեսպան (նստավայրը՝ Բեռլին):

Օտար լեզուների իմացություն՝

Անգլերեն, ռուսերեն, գերմաներեն։

Ընտանեկան կարգավիճակ՝

Ամուսնացած է, ունի դուստր և որդի։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր