ՀՀ անկախության 20-ամյա տարեդարձին նվիրված համերգ Հալլեում

20 սեպտեմբերի, 2011

Սեպտեմբերի 20-ին ՀՀ դեսպանությունը Գերմանիայի Զաքսեն-Անհալթ երկրամասի Հալլե քաղաքի Հենդելի տուն-թանգարանի դահլիճում կազմակերպեց հերթական միջոցառում` նվիրված ՀՀ անկախության 20-ամյակին:

ՀՀ և ԳԴՀ այս երկրամասի միջև 1998 թվականին ստորագրվել էր «Մշակույթի, գիտության և կրթության բնագավառներում համագործակցության վերաբերյալ հուշագիր», որն էլ հեռանկարներ բացեց համապատասխան բնագավառներում առավել արդյունավետ համագործակցության համար: Տոնական միջոցառմանը մասնակցելու նպատակով Հայաստանից ժամանել էր «Կամերտոն» երիտասարդական կամերային նվագախումբը, որը կատարեց հայկական և եվրոպական կոմպոզիտորների աշխատանքներ:

Միջոցառմանը բացման խոսքով հանդես եկավ դեսպան Ա. Մարտիրոսյանը: Այնուհետև ցուցադրվեց վավերագրական տեսաֆիլմ` նկարահանված ՀՀ գիտակետազոտական հաստատությունների հետ համագործակցություն իրականացնող գերմանական գիտնականների կողմից:

Միջոցառմանը ներկա էին երկրամասի վարչակազմի, գիտա-կրթական և մշակութային հասարակությունների ներկայացուցիչներ, ինչպես նաև հայ համայնքի անդամներ:

Միջոցառման կազմակերպմանը դեսպանությանն աջակցել էին Հալլե քաղաքի հայ ուսանողները` Հալլե-Վիտտենբերգի Մարտին-Լյութերի անվան համալսարանի հայագիտության ամբիոնի վարիչ, պրոֆ. Արմենուհի Դրոստ-Աբգարյանի գլխավորությամբ:

Հալլեի իշխանությունների խնդրանքով ՀՀ դեսպան Արմեն Մարտիրոսյանը ստորագրեց քաղաքի պատվո հյուրերի գրանցամատյանում: Համերգի ավարտին Հենդելի տուն-թանգարանի սրահում կազմակերպվեց ընդունելություն:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր