ՀՀ Ազգային ժողովի նախագահ Հովիկ Աբրահամյանի այցը Գերմանիա

25 սեպտեմբերի, 2011

2011թ. Սեպտեմբերի 25-ից 28-ը աշխատանքային անյցով ԳԴՀ-ում էր գտնվում ՀՀ ԱԺ նախագահ Հովիկ Աբրահամյանի գլխավորած պատվիրակությունը: Սեպտեմբերի 26-ին ԱԺ նախագահն այցելեց Պոտսդամում գտնվող Յոհաննես Լեփսիուսի տուն-թանգարան, որտեղ հանդիպում ունեցավ թանգարանի գիտանձնակազմի հետ:

Սեպտեմբերի 27-ի առավոտյան ՀՀ ԱԺ նախագահը հանդիպեց ԳԴՀ Բունդեսթագի նախագահ Նորբերտ Լամմերտի հետ, որի ընթացքում քննարկվեցին հայ-գերմանական հարաբերությունների ներկա վիճակը, ԼՂ հիմնահարցի կարգավորման արդի փուլը, հայ-թուրքական հարաբերությունները, Հայաստանում ժողովրդավարության հետագա ամրապնդմանն ուղղված քայլերը:

Նույն օրը երեկոյան Բեռլինի «Ժանդառմենմարկտ» կենտրոնական համերգասրահում տեղի ունեցավ հանդիսավոր միջոցառում` նվիրված ՀՀ անկախության 20-ամյակին: Միջոցառմանը ողջույնի խոսքով հանդես եկան ԳԴՀ-ում ՀՀ դեսպան Արմեն Մարտիրոսյանը և Բունդեսթագի փոխնախագահ Վոլֆգանգ Թիրզեն, որին հետևեց համերգ` Երևանի պետական երիտասարդական նվագախմբի կատարմամբ: Համերգը կազմակերպվել էր ՀՀ ԱԺ նախագահ Հովիկ Աբրահամյանի և ԳԴՀ Բունդեսթագի նախագահ Նորբերտ Լամմերտի բարձր հովանու ներքո: Համերգին հետևեց պաշտոնական ընդունելություն` նվիրված անկախության տոնին: Հանդիսավոր միջոցառմանը ներկա էին Բունդեսթագի պատգամավորներ, քաղաքական գործիչներ, օտարերկրյա դիվանագետներ, հայ համայնքի ներկայացուցիչներ: Միջոցառման գլխավոր հովանավորն էր «Քրոնիմետ» ընկերությունը, որի նախագահն է ՀՀ պատվո հյուպատոս, ընկերության տնօրեն Գյունթեր Պիլարսկին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր