Պատվոգրերի հանձնում ՀՀ դեսպանությունում

17 դեկտեմբերի, 2011

2011թ. դեկտեմբերի 17-ին Բեռլինում ՀՀ դեսպանությունում կազմակերպված պաշտոնական ընդունելության ժամանակ ԳԴՀ-ում ՀՀ դեսպան Ա. Մարտիրոսյանը ՀՀ անկախության 20-ամյակի կապակցությամբ կառավարության պատվոգրերը հանձնեց հայ համայնքի ներկայացուցիչներին։ ՀՀ Սփյուռքի ու ՀՀ Գիտության և կրթության նախարարությունների պատվոգրերը հանձնվեցին համապատասխանաբար Հալլեի համալսարանի պրոֆեսոր` տիկին Արմենուհի Դրոստ-Աբգարյանին և ADK գերմանալեզու ամսագրի գլխավոր խմբագիր` պարոն Րաֆֆի Կանտյանին։ Լեռնային Ղարաբաղի Հանրապետության նախագահի անունից դր. Թեսսա Հոֆմանին հուշամեդալ հանձնեց ԳԴՀ-ում ԼՂՀ մշտական ներկայացուցիչ` պարոն Հարություն Գրիգորյանը։ Դեսպան Ա. Մարտիրոսյանը և ԼՂՀ մշտական ներկայացուցիչ Հ. Գրիգորյանը իրենց ելույթներում բարձր գնահատեցին պարգևատրվողների գործունեությունը` ուղղված ՀՀ և ԼՂՀ քաղաքական ու գիտա-կրթական զարգացմանը։ Ընդունելության ընթացքում տեղի ունեցավ մտքերի փոխանակում հայ-գերմանական հարաբերությունների զարգացման, ՀՀ-Սփյուռք կապերի ամրացման ուղղությամբ։ Պարգևատրվողներին իրենց շնորհավորանքի խոսքերն ուղղեցին նաև ընդունելությանը ներկա գերմանահայ համայքի ներկայացուցիչները։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր