ՀՀ սփյուռքի նախարար Հրանուշ Հակոբյանի աշխատանքային այցը ԳԴՀ

31 մարտի, 2012

Ս.թ. մարտի 30-ից ապրիլի 1-ը տեղի ունեցավ ՀՀ սփյուռքի նախարար տիկին Հրանուշ Հակոբյանի աշխատանքային այցը ԳԴՀ: Առաջին օրը նախարարը մասնակցեց գերմանահայ նկարիչ Արչի Գալենցի ցուցահանդեսի բացմանը և ողջույնի խոսքով դիմեց միջոցառման մասնակիցներին, որոնց թվում էին Բեռլինի հայտնի արվեստագետներ և դասախոսներ: Հաջորդ օրը` մարտի 31-ին, տիկին Հր. Հակոբյանը ՀՀ դեսպան Ա. Մարտիրոսյանի և Հալլեի համալսարանի պրոֆեսոր տիկին Ա. Դրոստ-Աբգարյանի ուղեկցությամբ այցելեց Յ. Լեփսիուսի տուն-թանգարան` տեղում ծանոթանալու այս հաստատության գործունեությանը: Նույն օրը երեկոյան ՀՀ նախարարը մասնակցեց Բեռլինի հայ համայնքի հետ հանդիպմանը: Հանդիպումը բացեց ԳԴՀ-ում ՀՀ դեսպան Ա. Մարտիրոսյանը, որից հետո ելույթ ունեցավ նախարար Հակոբյանը: Դրանից հետո հանդիպման մասնակիցները հարցեր ուղղեցին նախարար Հր. Հակոբյանին և դեսպան Ա. Մարտիրոսյանին: Հանդիպման ավարտին ՀՀ սփյուռքի նախարար տիկին Հակոբյանը պարգևատրեց հայ համայնքի հետևյալ ներկայացուցիչներին.

ՀՀ սփյուռքի նախարարության պատվոգրով` Բեռլինի հայ համայնքի ատենապետներ Վարդգեզ Ալյանակին և Պետրոս Տիքիչյանին (բացակա էր), Սերովբե վարդապետ Իսախանյանին (բացակա էր), Տ. Տիրատուր քահանա Սարդարյանին;

ՀՀ սփյուռքի նախարարության ոսկե մեդալով` Հալլեի Մարտին Լյուտերի անվան համալսարանի պրոֆեսոր, “Մեսրոպ” հայագիտական կենտրոնի տնօրեն Արմենուհի Դրոստ-Աբգարյանին և “Հայ-գերմանական նամակագրություն” հանդեսի խմբագիր, հրապարակախոս դոկտոր Րաֆֆի Կանտյանին (բացակա էր);

ՀՀ սփյուռքի նախարարության “Վիլյամ Սարոյան” մեդալով` Բեռլինի հանրային գրադարանի արևելագիտության բաժնի վարիչի տեղակալ տիկին Մելինե Փեհլիվանյանին և Բեռլինի հայկական դպրոցի հիմնադիր-տնօրեն Միքայել Մինասյանին;

ՀՀ սփյուռքի նախարարության “Արշիլ Գորկի” մեդալով` նկարիչ Արչի Գալենցին;

ՀՀ սփյուռքի նախարարության “Արշիլ Գորկի” մեդալով` դաշնակահար, մանկավարժ Կարինե Գիլանյանին;

Ապրիլի 1-ին նախարար Հր. Հակոբյանը Բեռլինից մեկնեց Քյոլն և Հայ Առաքելական եկեղեցու առաջնորդարանում մասնակցեց Սուրբ Պատարագին և ընդհանուր ճաշին: Դրանից հետո տեղի ունեցավ նախարարի հանդիպումը հայ համայնքի ներկայացուցիչների հետ: ՀՀ դեսպան Ա. Մարտիրոսյանը ներկայացրեց սփյուռքի նախարարին, որից հետո տիկին Հակոբյանը ներկայացրեց 4 տարվա ընթացքում նախարարության կատարած աշխատանքները և առաջիկա ծրագրերը: Նախարարի ելույթից հետո ներկաները բազմաթիվ հարցեր ուղղեցին բարձրաստիճան հյուրին` կապված Հայաստան-Սփյուռք համագործակցության և ՀՀ կառավարության գործունեության վերաբերյալ: Հանդիպումը եզրափակեց թեմի առաջնորդ արքեպիսկոպոս Գ. Բեքչյանը: Ընդհանուր հավաքից հետո տիկին Հր. Հակոբյանը առանձնազրույց ունեցավ համայնքի ներկայացուցիչների հետ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր