ԳԴՀ պետնախարար Կորնելիա Պիպերի գլխավորած պատվիրակության այցը Հայաստան

18 ապրիլի, 2012

Ս.թ. ապրիլի 16-17-ին ԳԴՀ ԱԳՆ պետնախարար Կ. Պիպերի գլխավորած պատվիրակությունը այցելեց ՀՀ: Պատվիրակության կազմում էին Բունդեսթագում Ազատ Դեմոկրատական կուսակցության խմբակցության անդամ Պ. Ռյոլինգերը, Սաքսոնիա-Անհալթ երկրամaասի Հալլե քաղաքի քաղաքապետ տիկին Դ. Շաբադոսը, նույն քաղաքաի Մարթին Լյութերի անվան համալսարանի պրոռեկտոր պրոֆ. Գ. Ֆոլյանտի-Շուստը, Սաքսոնիա-Անհալթ երկրամասի հուշարձանների պահպանության և հնագիտության գերատեսչության ղեկավար պրոֆ. Հ. Մելլերը և այլ պաշտոնատար անձինք:

Այցի առաջին օրը Կ. Պիպերի գլխավորած պատվիրակությունը հանդիպեց ՀՀ ԱԳ նախարար Է. Նալբանդյանի հետ: Նույն օրը պետնախարար Պիպերը հանդիպեց Երևանի պետական համալսարանի ուսանողների և դասախոսների ներկայացուցիչների հետ: Երևանի քաղաքապետ Տ. Մարգարյանը ընդունեց Հալլե քաղաքի իր գործընկերոջը, և նրանք քննարկեցին Երևանի և Հալլեի միջև համագործակցության հնարավոր բնագավառները:

Նույն օրը ԳԴՀ ԱԳՆ պետնախարար Կ. Պիպերի և ՀՀ մշակույթի նախարար Հ. Պողոսյանի մասնակցությամբ Հովհաննես Շարամբեյանի անվան ժողովրդական ստեղծագործության կենտրոնում տեղի ունեցավ “Հալլեի գոբելենները” ցուցահանդեսի բացումը:

Ապրիլի 17-ին Կ. Պիպիերի գլխավորած պատվիրակությունը այցելեց Ծիծեռնակաբերդի հուշահամալիր և հարգանքի տուրք մատուցեց Մեծ եղեռնի զոհերի հիշատակին: Նա գրառում կատարեց Ցեղասպանության թանգարանի հուշամատյանում:

Նույն օրը Կ. Պիպերը և ՀՀ կրթության և գիտության նախարար Ա. Աշոտյանը բացեցին գերմաներեն լեզվի ուսուցման կենտրոնը, որը Հայաստանում կհանդիսանա Գյոթեի ինստիտուտի գործընկերը:

Պաշտոնական հանդիպումների ընթացքում Կ. Պիպերը իր հայ գործընկերների հետ քննարկեց համապատասխան բնագավառներում հայ-գերմանական համագործակցության հետագա խորացմանն ուղղված նոր ծրագրերի իրականացման հեռանկարները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր