ԳԴՀ «Դաշինք 90/Կանաչներ» կուսակցության առաջնորդ Ջեմ Օզդեմիրը մասնակցում է Հայոց ցեղասպանությանը նվիրված հուշ-երեկոյին

23 ապրիլի, 2012

Ս.թ. ապրիլի 21-ին Համբուրգում տեղի ունեցավ Հայոց ցեղասպանության 97-ամյակին նվիրված հուշ-երեկո: Սուրբ Պետրոս եկեղեցում ներկա էին տարբեր ազգությունները ներկայացնող ավելի քան 700 հյուրեր: Միջոցառմանը մասնակցեց և ելույթով հանդես եկավ ԳԴՀ «Դաշինք 90/Կանանչներ» կուսակցության առաջնորդ Ջեմ Օզդեմիրը: Նա իր ելույթում մասնավորապես նշեց, որ Թուրքիայի կառավարությունը պետք է վերջ տա Հայոց ցեղասպանության ժխտման քաղաքականությանը, իսկ թուրք հասարակությունը ըմբռնումով մոտենա հայերի պատմության այս ողբերգական էջին: Ըստ բանախոսի` Հայոց ցեղասպանության հարցը պարտադիր պետք է ներառվի թուրքական ուսումնական հաստատությունների պատմության դասագրքերու,` ինչը թույլ կտա թուրք հասարակությանը ծանոթանալ իր պատմությանը և անկաշկանդ քննարկել այն:

Ելույթ ունեցավ նաև ԳԴՀ ալևիտ համայնքի կենտրոնական խորհրդի ներկայացուցիչ Ալի Երթան Թոպրակը: Նա նշեց, որ իր ժողովուրդը ճանաչում է Հայոց ցեղասպանությունը և դատապարտում թուրքական կառավարության ժխտողական քաղաքականությունը: Թոպրակը նշեց, որ Հայոց ցեղասպանության ժխտումը պետք է ճանաչվի որպես քրեորեն հետապնդվող արարք:
 Ելութներով հանդես եկան նաև ԳԴՀ ասորիների միության և ԳԴՀ ավետարանչական եկեղեցու ներկայացուցիչները, որոնք նույնպես դատապարտեցին Թուրքիայի կողմից իրականացվող պատմության վերանայման փորձերը:

Ելույթով հանդես եկան ԳԴՀ-ում ՀՀ դեսպան Ա. Մարտիրոսյանը (ելույթը) և գերմանահայ համայանքի ներկայացուցիչ Թորոս Սարյանը: Միջոցառմանը մասնակցեցին ԳԴՀ-ում Հայ Առաքելական եկեղեցու առաջնորդ արքեպիսկոպոս Գ. Բեքչյանը և պրոֆեսոր Վոլֆգանգ Գուստը: Հուշ-երեկոն վարեց Անի Քլյուգը:
Միջոցառման ընթացքում «Գայանե» երգչախումբը Գ. Գրովերի գլխավորությամբ կատարեց հայկական և եվրոպական երգեր: Երգչախմբի կազմում են հայ, գերմանացի և թուրք երաժիշտներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր