Գերմանահայ գործարարների միությունը ստանձնում է մանկապարտեզի կառուցումը Լեռնային Ղարաբաղի Հանրապետությունում

26 ապրիլի, 2012

Ս.թ. ապրիլի 25-ին ՀՀ դեսպան Ա. Մարտիրոսյանը և ԼՂՀ մշտական ներկայացուցիչ Հ. Գրիգորյանը Քյոլնում հանդիպեցին Գերմանահայ գործարարների միության խորհրդի անդամներին` քննարկելու ԼՂՀ Ավետարանոց գյուղում նոր մանկապարտեզի կառուցման հարցը: Այդ նախագիծը 2011թ. նոյեմբերի 5-ին ԼՂՀ նախագահ Բ. Սահակյանի` ԳԴՀ կատարած այցի շրջանակներում ներկայացվել էր գերմանահայ համայնքին։ Հաշվի առնելով մանկապարտեզի նշանակությունը գյուղի սոցիալական զարգացման համար` Գերմանահայ գործարարների միության խորհուրդը հավանություն էր տվել այդ նախագծին և որոշել ԼՂՀ կառավարության հետ համատեղ մասնակցել այդ մանկապարտեզի շինարարության ֆինանսավորմանը: Ըստ միության խորհրդի նախագահ Մ. Աքյուզի` գերմանահայ գործարարները որոշել են 50.000 եվրո տրամադրել այդ նպատակով: Նա հանդիպման ժամանակ հայտնեց, որ գյուղի զարգացման համար գործարարների միությունը նպատակ ունի նաև մշակել և իրականացնել բիզնես-ծրագրեր, ինչը թույլ կտա նոր աշխատատեղեր ստեղծել տեղի ազգաբնակչության համար: Նշված խնդիրները Մ. Աքյուզի Արցախ կատարելիք այցելության ընթացքում կքննարկվեն ԼՂՀ կառավարության ներկայացուցիչների հետ: Հանդիպման ավարտին Գերմանահայ գործարարների միությունը ԼՂՀ մշտական ներկայացուցիչ Հ. Գրիգորյանին հանձնեց 50.000 եվրոյի փոխանցումը խորհրդանշող բանկային անդորրագիրը։ ՀՀ դեսպան Ա. Մարտիրոսյանը շնորհակալություն հայտնեց գերմանահայ գործարարներին` Հայաստանին և Արցախին շարունակական աջակցություն ցուցաբերելու համար:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր