ՀՀ դեսպանը մասնակցեց Քիլի համալսարանում անցկացված համաժողովին

02 հուլիսի, 2012

Ս.թ. հունիսի 29-ին ԳԴՀ-ում ՀՀ դեսպան Ա. Մարտիրսյանը մասնակցեց Շլեզվիգ-Հոլշթայն երկրամասի Քիլ քաղաքի Քրիստիան-Ալբրեխտ համալսարանի Արևելյան Եվրոպայի իրավունքի ինստիտուտի կողմից կազմակերպված “Եվրամիությունը և Հարավային Կովկասի երկրները” թեմայով համաժողովին: Միջոցառմանը մասնակցում էին տարբեր փորձագետներ, դասախոսներ, ուսանողներ և լրագրողներ: Բացման խոսքով հանդես եկավ Քիլի համալսարանի իրավաբանական ֆակուլտետի դեկան Ալեքսանդր Թրունկը (Alexnader Trunk), որը որպես փորձագետ առիթներ է ունեցել այցելելու տարածաշրջանի երկրներ:

Ելույթներով հանդես եկան ՀՀ դեսպան Ա. Մարտիրոսյանը (տես ելույթը) և ԳԴՀ-ում Վրաստանի ու Ադրբեջանի փոխդեսպանները: Ելույթներից հետո համաժողովի մասնակիցները հարցեր ուղղեցին զեկուցողներին։

Նույն օրը դեսպան Ա. Մարտիրոսյանը հանդիպեց Քիլի համալսարանի փոխնախագահ Թոմաս Բոշի հետ: Ա. Մարտիրոսյանը ներկայացրեց ՀՀ զարգացման առաջնայնությունները և կրթական բնագավառի ներկա իրավիճակը: Ձեռք բերվեց պայմանավորվածություն` ուսումնասիրել Քիլի համալսարանի և հայկական որևէ բուհ-ի միջև համագործակցության հեռանկարների հնարավորությունը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր