ՀՀ գիտության և կրթության նախարար Ա. Աշոտյանի գլխավորած պատվիրակությունը մասնակցեց ԳԴՀ Քրիստոնեա-Դեմոկրատական Միություն (CDU) կուսակցության 25-րդ համագումարին

06 դեկտեմբերի, 2012

Ս.թ. դեկտեմբերի 3-5-ը ԳԴՀ Քրիստոնեա-Դեմոկրատական Միության (CDU) հրավերով Հաննովերում կայացած կուսակցության 25-րդ համագումարին մասնակցեց ՀՀ Հանրապետական կուսակցության պատվիրակությունը` ՀՀԿ փոխնախագահ, գիտության և կրթության նախարար Ա. Աշոտյանի և ՀՀ կառավարությանը կից ՀՀ պետական գույքի կառավարման վարչության պետ Ա. Սահակյանի մասնակցությամբ: Հայկական պատվիրակությանն ուղեկցում էր ԳԴՀ-ում ՀՀ դեսպան Ա. Մարտիրոսյանը:

Հայկական պատվիրակությունը քննարկումներ ունեցավ Բունդեսթագի պատգամավորներ` ՔԴՄ խմբակցության արտաքին հարաբերությունների հարցերով խոսնակ Ֆ. Միսֆելդերի, խմբակցության գործադիր քարտուղար Մ. Գրունդի և խմբակցության փոխնախագահ Ա. Շոքենհոֆի հետ: Հանդիպումների ընթացքում կողմերը քննարկեցին երկու կուսակցությունների միջև համագործակցության խորացման հեռանկարները և ուղիները: Քննարկումների արդյունքում այս կապակցությամբ ձեռք բերվեցին համապատասխան պայմանավորվածություններ: Բացի միջկուսակցական կապերից կողմերը քննարկեցին նաև հայ-գերմանական համագործակցության ներկա ընթացքը և գլոբալ ու տարածաշրջանային անվտանգության հետ կապված զարգացումները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր