ՀՀ գյուղատնտեսության նախարարի այցը Բեռլին

21 հունվարի, 2013

Ս.թ. հունվարի 17-20-ը Բեռլին այցելեց և ամենամյա “Կանաչ շաբաթ” միջազգային ցուցահանդեսի աշխատանքներին մասնակցեց ՀՀ գյուղատնտեսության նախարար Ս. Կարապետյանի գլխավորած պատվիրակությունը: Ցուցահանդեսին մասնակցող հայկական ձեռնարկություններն իրենց արտադրանքը ցուցադրեցին հայկական տաղավարում, որը այցելեցին ԳԴՀ պաշտոնատար անձինք և բազմաթիվ այլ հյուրեր:

Հունվարի 19-ին ԳԴՀ Արտաքին գործերի նախարարությունում կայացավ «Վերահսկվող ներդրումներն ագրոպարենային ոլորտում որպես հիմնական գործոն պարենի ապահովության և գյուղատնտեսության զարգացման համար» խորագրով գյուղատնտեսության նախարարների 5-րդ միջազգային համաժողովը, որին մասնակցեցին ավելի քան 80 երկրների նախարարներ: Համաժողովի շրջանակներում ՀՀ գյուղատնտեսության նախարար Ս. Կարապետյանը ավելի քան 20 հանդիպումներ ունեցավ իր գործընկերների և ՄԱԿ-ի պարենային ծրագրի գլխավոր տնօրեն Ժոզե Գրացիանո դա Սիլվայի հետ: Հայ նախարարը իր օտարերկրյա գործընկերների հետ քննարկեց երկկողմ և բազմակողմ համագործակցության ներկա վիճակը և հեռանկարները: Մի շարք հարցերի շուրջ ձեռք բերվեցին համապատասխան պայմանավորվածություններ:

Հունվարի 20-ին ՀՀ գյուղատնտեսության նախարար Ս. Կարապետյանը ԳԴՀ-ում ՀՀ դեսպանատանը հանդիպեց մի խումբ գերմանահայ գործարարների հետ: Քննարկվեցին ՀՀ-ից Գերմանիա հայկական գյուղատնտեսական արտադրանքի արտահանման և ԳԴՀ-ից հայկական ֆերմերային տնտեսությունների համար գյուղատնտեսական տեխնիկայի մատակարարման հետ կապված հարցեր:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր