Ռումինիայի Էկոնոմիկայի նախկին նախարար Վարուժան Ոսկանյանի այցը Յոհաննես Լեփսիուսի անվան հետազոտական կենտրոն

20 նոյեմբերի, 2013

Ս. թ. նոյեմբերի 18-ին Ռումինիայի Հայոց միության նախագահ, Ռումինիայի գրողների միության փոխնախագահ, Ռումինիայի Էկոնոմիկայի նախկին նախարար Վարուժան Ոսկանյանը այցելեց Պոտսդամում տեղակայված Յոհաննես Լեփսիուսի անվան հետազոտական կենտրոն` վերջինիս ղեկավարության հրավերով: Վ. Ոսկանյանը և նրա վեպի գերմաներեն լեզվով թարգմանության հեղինակ` Բեռլինի Գրականության տան տնօրեն Էռնեստ Վիխները հրավիրյալներին ներկայացրեցին «Շշուկների մատյան» գիրքը, ընթերցեցին հատվածներ ռումիներեն և գերմաներեն լեզուներով:

Վարուժան Ոսկանյանին ողջունեցին Գերմանիայում Հայաստանի Հանրապետության գործերի ժամանակավոր հավատարմատար Աշոտ Սմբատյանը և Յ. Լեփսիուսի անվան հետազոտական կենտրոնի ղեկավար Ռոլֆ Հոսֆելդը: Վարուժան Ոսկանյանը ներկայացրեց իր ստեղծագործության համառոտ պատմությունը, պատասխանեց ներկաների հարցերին, անդրադարձավ իր հաջորդ այցելությանը ԳԴՀ Ուլմ քաղաք, որտեղ նույնպես կներկայացնի գերմաներեն լեզվով հրատարակված իր հեղինակած վեպը: Նա նշեց, որ արդեն մի քանի լեզուներով թարգմանված «Շշուկների մատյան» վեպը արժանացել է գրական շրջանների կողմից բարձր գնահատանքի:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր