Հանդիսավոր միջոցառում Գերմերսհայմում

29 հունվարի, 2014

2014թ. հունվարի 28-ին ՀՀ Զինված ուժերի կազմավորման 22-րդ տարեդարձի կապակցությամբ հանդիսավոր միջոցառում է կազմակերպվել Գերմանիայի Գերմերսհայմ քաղաքում տեղակայված Բունդեսվերի ռազմաօդային ուժերի ուսումնական կենտրոնի սպայական ակումբում:

Միջոցառմանը մասնակցել են Ռայնլանդ-Պֆալց երկրամասի և Գերմերսհայմ քաղաքի ղեկավարությունը, ուսումնական կենտրոնի հրամանատարական կազմը, հրահանգիչներն ու Աֆղանստան մեկնող ՀՀ Զինված ուժերի խաղաղապահ զորախմբի զինծառայողները:

Հանդիսությունը սկսվել է երկու երկրների պետական օրհներգների կատարմամբ: Շնորհավորական խոսքով հանդես են եկել ԳԴՀ-ում ՀՀ ռազմական կցորդ Մհեր Մանուչարյանը և Գերմերսհայմի ուսումնական կենտրոնի հրամանատարը: Այնուհետև ճանաչողական սլայդերի միջոցով հյուրերին ներկայացվել է Հայաստանը և ՀՀ ազգային բանակը: Երեկոն շարունակվել է հայկական ու գերմանական ավանդական ուտեստների հյուրասիրությամբ, երգով ու պարով:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր