ՀՀ դեսպան Վահան Հովհաննեսյանն իր հավատարմագրերը հանձնեց Գերմանիայի նախագահ Յոախիմ Գաուկին

21 փետրվարի, 2014

Փետրվարի 19-ին Գերմանիայի Դաշնային Հանրապետությունում Հայաստանի Հանրապետության դեսպան Վահան Հովհաննեսյանին ընդունեց երկրի նախագահ Յոախիմ Գաուկը՝ հավատարմագրերի հանձնման կապակցությամբ:

Գերմանիայի «Բելեվյու» նախագահական պալատում տեղի ունեցած առանձնազրույցի ժամանակ նախագահ Գաուկը և դեսպան Հովհաննեսյանը քննարկեցին երկու երկրների միջև ընթացող դինամիկ քաղաքական երկխոսության, միջազգային կազմակերպություններում համագործակցության սերտացման, գիտակրթական և մշակութային կապերի առավել զարգացման, իրավապայմանագրային դաշտի ընդլայնման և առևտրատնտեսական հարաբերությունների զարգացմանն առնչվող մի շարք հարցեր:

Դաշնային նախագահ Գաուկը, շնորհավորելով դեսպանին, հույս հայտնեց, որ Վահան Հովհաննեսյանն իր փորձը և գիտելիքները կներդնի ի նպաստ հայ-գերմանական հարաբերությունների զարգացման:

Շնորհակալություն հայտնելով ընդունելության համար՝ ՀՀ դեսպանը վստահեցրեց, որ նպատակադրված է գործուն քայլեր ձեռնարկել երկկողմ համագործակցության ընդլայնման համար և նշեց, որ ինքը ջանք չի խնայի հայ-գերմանական հարաբերությունների խորացման և ամրապնդման ուղղությամբ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր