Հայկական մշակույթի օրերը Շտուտգարտում

17 հոկտեմբերի, 2014

Հոկտեմբերի 16-ին Շտուտգարտում կայացավ Հայկական մշակույթի օրերի բացման արարողությունը, որը կրում էր «Արմատական փոփոխությունների ժամանակաշրջան. Առաջին համաշխարհային պատերազմը և հայերի ճակատագիրը» խորագիրը: Բացման միջոցառմանը ելույթներով հանդես եկան Հայ Առաքելական Եկեղեցու Գերմանիայի թեմի ներկայացուցիչ Տեր Արիստակես քահանա Արիստակեսյանը, ԳԴՀ-ում ՀՀ դեսպանության խորհրդական Աշոտ Սմբատյանը, երկրամասում ՀՀ պատվավոր հյուպատոս Գյունթեր Պիլարսկին և Բադեն-Վյուրթեմբերգ երկրամասի ինտեգրացիայի հարցերով նախարար Վ. Օնեսը: Միջոցառմանը ներկա էին Բադեն-Վյուրթեմբերգի երկրամասային խորհրդարանի պատգամավորներ, Շտուտգարտի քաղաքային իշխանությունների ներկայացուցիչներ, երկրամասում հավատարմագրված պատվավոր հյուպատոսներ և հայ համայնքի ներկայացուցիչներ:
Շտուտգարտում հոկտեմբերի 15-19-ը անցկացվող Հայկական մշակույթի օրերը կազմակերպվել են Բադեն-Վյուրթեմբերգի հայ համայնքի կողմից` ՀՀ Սփյուռքի նախարարության և ԳԴՀ-ում ՀՀ դեսպանության աջակցությամբ: Միջոցառման ֆինանսավորման հարցում աջակցություն են ցուցաբերել Բադեն-Վյուրթեմբերգ երկրամասի կառավարությունը, ինտեգրացիայի հարցերով նախարարությունը, «Բադեն-Վյուրթեմբերգ» հիմնադրամը և մի շարք գերմանական ընկերություններ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր