ՀՀ էներգետիկայի և բնական պաշարների նախարար Երվանդ Զախարյանի այցը Գերմանիայի Դաշնային Հանրապետություն

02 մարտի, 2015

2015 թ. փետրվարի 25-27-ը Գերմանիայի վերականգնման վարկերի KFW բանկի հրավերով ՀՀ էներգետիկայի և բնական պաշարների նախարար Ե. Զախարյանի գլխավորած պատվիրակությունը գտնվում էր Գերմանիայում:

Այցի շրջանակներում փետրվարի 26-ին Ե. Զախարյանին ընդունեց Գերմանիայի Դաշնային Հանրապետության տնտեսության և էներգետիկայի հարցերով դաշնային նախարարության պետքարտուղար Ուվե Բեկմայերը:

Հանդիպման ժամանակ Ե. Զախարյանը ներկայացրեց ՀՀ էներգետիկ համակարգի ընթացիկ իրավիճակը, զարգացման հեռանկարները: ԳԴՀ պետքարտուղարը բարձր գնահատեց էներգետիկայի բնագավառում հայ-գերմանական համագործակցությունը և աջակցություն հայտնեց KFW բանկի ֆինանսավորմամբ իրականացվող ծրագրերին:

Փետրվարի 27-ին Ե. Զախարյանի գլխավորած պատվիրակությանը Մայնի Ֆրանկֆուրտ քաղաքում ընդունեց KFW բանկի խորհրդի անդամ Ռոլանդ Զիլլերը: Քննարկվեցին էներգետիկայի ոլորտում հնարավոր համագործակցությանն առնչվող հարցեր:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր