Գերմանիայում ՀՀ գործերի ժամանակավոր հավատարմատար Աշոտ Սմբատյանի հանդիպումները Ենա քաղաքում

09 ապրիլի, 2015

Ապրիլի 9-ին Գերմանիայում ՀՀ գործերի ժամանակավոր հավատարմատար Աշոտ Սմբատյանը Ենա քաղաք կատարած իր աշխատանքային այցի շրջանակներում հանդիպում ունեցավ Ենայի քաղաքապետ Ալբրեխտ Շրյոթերի հետ:  Հանդիպման ընթացքում քննարկվեցին Ենայի քաղաքապետարանի հետ հնարավոր համագործակցության և Ենայում Հայոց ցեղասպանության 100-րդ տարելիցին նվիրված միջոցառումների նախապատրաստման ու իրականացման հետ կապված հարցեր:

Նույն օրը Աշոտ Սմբատյանը հանդիպում ունեցավ նաև Ենայի համալսարանի ռեկտոր, պրոֆեսոր Վալթեր Ռոզենթալի հետ: Կողմերը քննարկեցին Երևանի պետական համալսարանի, Երևանի պետական բժշկական համալսարանի և Ենայի համալսարանի միջև համագործակցությանն առնչվող հարցեր: Համալսարանի ղեկավարության նախաձեռնությամբ կայացավ հանդիպում Ենայի համալսարանի հայ ուսանողների հետ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր