Հայոց Ցեղասպանության հարյուրամյա տարելիցին նվիրված միջոցառում Էրֆուրտում

02 հունիսի, 2015

Ս.թ. հունիսի 1-ին ԳԴՀ Թյուրինգիա երկրամասի մայրաքաղաք Էրֆուրտի քաղաքապետարանի պատմական սրահում տեղի ունեցավ “Հայաստան. երկիր Եվրոպայի սահմանագծում” խորագրով միջոցառումը` նվիրված Հայոց Ցեղասպանության հարյուրամյա տարելիցին: Միջոցառումը կազմակերպվել է Ֆրիդրիխ Էբերտ հիմնադրամի Թյուրինգիայի մասնաճյուղի, Հայ-գերմանական ընկերակցության և ԳԴՀ-ում ՀՀ դեսպանության աջակցությամբ:

Ներկաներին ողջույնի խոսքով դիմեցին Թյուրինգիայի փոխվարչապետ Հայկե Թաուբերտը և ԳԴՀ-ում ՀՀ դեսպան Աշոտ Սմբատյանը: Այնուհետև ելույթով հանդես եկան Հայ-գերմանական ընկերակցության նախագահ Րաֆֆի Կանտյանը և ԳԴՀ-ում ՀՀ դեսպանության ռեֆերենտ Ստելլա Խալաֆյանը:

Հայազգի երաժիշտներ Զառա և Արտաշես Ստամբոլցյանները, ինչպես նաև գերմանացի երգչուհի Վիկտորիա Քառը ներկաների համար կատարեցին հայ և եվրոպացի կոմպոզիտորների ստեղծագործությունները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր