Դեսպան Աշոտ Սմբատյանի դասախոսությունը Համբուրգում

29 օգոստոսի, 2015

Օգոստոսի 28-ին Գերմանիայում ՀՀ դեսպան Աշոտ Սմբատյանը «Հարավային Կովկաս. հակամարտություններ, Հայաստանի արտաքին քաղաքականություն» խորագրով դասախոսությամբ հանդես եկավ Գերմանիայի Քրիստոնեա-դեմոկրատական միություն (ՔԴՄ) կուսակցության Համբուրգի երկրամասային կենտրոնակայանում: Միջոցառումը վարում էր ՔԴՄ երկրամասային կառույցի արտաքին, անվտանգության և եվրոպական հարցերով հանձնաժողովի նախագահ, կուսակցության դաշնային մարմնի արտաքին քաղաքական հարցերով հանձնաժողովի անդամ Մարկուս Տանդեքին:

Ա. Սմբատյանն իր դասախոսության ընթացքում անդադարձավ ՀՀ-ԵՄ, Հայաստան-Ռուսաստան, Հայաստան–Իրան հարաբերություններին, Հայոց ցեղասպանությանը, հայ-թուրքական հարաբերություններին, ԼՂ հիմնահարցի կարգավորմանը և տարածաշրջանային այլ կարևոր հարցերին: Ելույթից հետո ներկաները բազմաթիվ հարցեր ուղղեցին դեսպանին:

Նույն օրը դեսպան Սմբատյանը հանդիպեց Համբուրգ երկրամասի խորհրդարանի տնտեսական հարցերով հանձնաժողովի նախագահ Դավիթ Էրքալփի հետ: Հանդիպման ընթացքում զրուցակիցներն անդրադարձան Հայաստանի և Համբուրգ երկրամասի միջև տնտեսության, զբոսաշրջության, գիտակրթական և մշակութային ոլորտներում համագործակցության հեռանկարներին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր