ԳԴՀ տնտեսական համագործակցության և զարգացման նախարարության “Բաց օր” ցուցահանդես-տոնավաճառում

31 օգոստոսի, 2015

Օգոստոսի 30-ին ԳԴՀ տնտեսական համագործակցության և զարգացման նախարարության հրավերով ՀՀ դեսպանությունն առաջին անգամ առանձին տաղավարով ներկայացվեց «Բաց օր» /BMZ Open Day/ ցուցահանդես-տոնավաճառում:

Միջոցառմանը բացման խոսքով հանդես եկած ԳԴՀ տնտեսական համագործակցության և զարգացման նախարարության պետքարտուղար Հանս-Յոախիմ Ֆուխտելն իր խոսքում հատուկ շնորհակալություն հայտնեց Հայաստանի դեսպանին մասնակցության հրավերն ընդունելու համար` կոչ անելով այցելուներին ծանոթանալու տաղավարում ներկայացված տեղեկատվական նյութերին: Բացման խոսքից հետո գերմանացի պաշտոնյան այցելեց Հայաստանի տաղավար, որտեղ ՀՀ դեսպան Աշոտ Սմբատյանը վերջինիս ծանոթացրեց ներկայացված ապրանքներին:

Հայաստանի տաղավար այցելած ավելի քան 1500 հյուրերին անվճար տրամադրվեցին Հայաստանի և Արցախի մշակույթի, պատմության և տնտեսության մասին պատմող տեղեկատվական գրքույկներ, հայկական գինիներ, քաղցրավենիք և տարբեր հուշանվերներ:

Բացի առանձին տաղավարով ներկայանալուց ՀՀ դեսպանությունը միջոցառման շրջանակներում նախարարության ֆիլմասրահում ցուցադրեց “Armenia with you” ֆիլմի մի հատված, որից հետո դեսպանության երրորդ քարտուղար Դավիթ Գրիգորյանը պատասխանեց Հայաստանի մասին ներկաների բազմաթիվ հարցերին: Տոնավաճառի շրջանակներում ՀՀ դեսպանությունը հանդես եկավ նաև մանկահասակ այցելուների համար նախատեսված «Գրիր քո անունը հայերեն» խորագրով առանձին ծրագրով, որի ընթացքում կցորդ Լուսինե Սարգսյանը մանուկներին սովորեցրեց հայկական այբուբենը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր