ՀՀ ԱԺ պատվիրակության այցը Գերմանիա

12 սեպտեմբերի, 2015

Սեպտեմբերի 8-11-ը կայացավ ՀՀ Ազգային Ժողովի պաշտպանության, ազգային անվտանգության և ներքին գործերի մշտական հանձնաժողովի նախագահ Կորյուն Նահապետյանի գլխավորած պատվիրակության աշխատանքային այցը Գերմանիայի Դաշնային Հանրապետություն:

Քառօրյա հագեցած այցի շրջանակներում հայկական պատվիրակությունը հանդիպումներ ունեցավ ԳԴՀ Բունդեսթագի պաշտպանության հարցերով մշտական հանձնաժողովի նախագահ Վոլֆգանգ Հելմիխի, Պաշտպանության նախարարության պետքարտուղար դր. Ռալֆ Բրաուկզիպեի, Բունդեսթագի խորհրդարանական վերահսկիչ ծառայության /անվտագության հարցեր/ ղեկավար Անդրե Հանի, ԵԱՀԿ-ում Գերմանիայի նախագահության հարցերով ԳԴՀ ԱԳՆ շտաբի ղեկավար Անթյե Լեենդերցեի, ԳԴՀ Ներքին գործերի նախարարի հատուկ հանձնակատար, դաշնային ներքին գործերի քաղաքականությունը համակարգող գլխավոր վարչության տնօրեն դր. Միխայել Բենթմանի և Բունդեսթագի ներքին գործերի հարցերով մշտական հանձնաժողովի նախագահ Վոլֆգանգ Բոսբախի հետ:

Հանդիպումների ընթացքում հանգամանալից քննարկվեցին ՀՀ և ԳԴՀ միջև ռազմական, ներքին գործերի և ազգային անվտանգության ոլորտներում առկա համագործակցությունը և հեռանկարները, ձեռք բերվեցին պայմանավորվածություններ երկկողմ այցեր իրականացնելու վերաբերյալ: Հատուկ ուշադրություն դարձվեց երկու երկրների միջև խորհրդարանական կապերը ամրացնելու ուղղությամբ կատարվելիք հետագա քայլերին: Կողմերը քննարկեցին Լեռնային Ղարաբաղի հիմնահարցի խաղաղ կարգավորմանն ուղղված բանակցային գործընթացը, մի շարք տարածաշրջանային և գլոբալ անվտանգության հարցեր:

Սեպտեմբերի 8-ին ՀՀ պատվիրակությունը մասնակցեց ԳԴՀ-ում ՀՀ դեսպանության և «NABU»-ի նախաձեռնությամբ կազմակերպված «Հայաստանի բնության գանձերը» խորագրով խորհրդարանական երեկոյին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր